412
REGISTRES DU BUREAU
[i57i]
de lad. Ville en Chastellet ung abregé d'articles de police, pour estre adjousté ou veoir s'ilz estoient comprins en la publication qui esloit advisée en­semblement faire O pour la police.
"Ce pendant, les deux aultres Eschevins faisoient dilligence d'assembler les trois compaignées d'ar­chers, harquebuziers et arbalestriers, affin de fa­voriser la justice par la force avec le Guet.
"Toute la matinée se passa paisible, et ce pen­dant lesdictz Prevost de Paris et Lieutenant civil envoyèrent l'un à l'aultre pour essaier d'eulx accor­der en la forme qu'ilz debvoient tenir; et fut mandé par led. Lieutenant civil en l'Hostel de Ville qu'il prioyt que lesd. Prevost des Marchans et Eschevins allassent en Chastellet, ce qui fut aussy tost faict par eulx, et leurs forces conduictes aud. Chastellet.
"Et environ midy, partirent led. Lieutenant civil, criminel et Procureur du Roy de Chastellet, accom-paignez desd, sieurs Eschevins, avec la force du Guet et de la Ville, et allerent par toutes les places de la Ville, Cité el Université, faire lesd, publications sans aulcune resistance.
«Et estans de retour tous ensemble, environ sur les trois heures de relevée, chascun pensa de se re­tirer chez soy, veoyant le tout tranquille et paisible. Mais s'en allant le lieutenant du Guet, nommé Sa­gan, avecq cinquante ou soixante de sa compaignée, luy fut reproché qu'il marchoit sans l'adveu de son Chevalier, et ainsi qu'il estoict devant le Cymetiere des Sainctz Innocens, penssans retourner à la Fer-ronnerye pour aller en sa maison, fut assiégé d'ung grand peuple qui estoict ausd. Sainctz Innocens, qui le chargèrent à coups de pierres. Et lors feit mectre aux coings des rues des harquebuziers, pour tenir force; mais en fin il fut chargé sy rudement de coups de pierres qu'il advisa de faire retraicte par une rue tirant vers les Halles, appellée la rue des Prescheurs 12', où il print le chemyn de son logis.
"Et lorsque lesd. Prevost et Eschevins qui es­toient retournez chez eulx, feurent advertiz de ce desordre, mandèrent aussy tost ce qu'ilz peurent des forces de l'Hostel de la Ville, où ilz se rendirent incontinent. Et en passant par la porte de Paris, leur fut rapporté que lad. sédition esloit ja cessée.
"Et advenue la nuict, arriva la dame du Marteau d'or, demeurant sur le Pont Nostre Dame, en l'Hos-
tel de lad. Ville, laquelle remonstra que l'on rom-poit sa maison pour la piller, n'estans encores les archers que l'on avoyt mandez de retour, sinon vingt ou trente qui avoient laissé leurs armes, hors mis l'espée et la dague, en leurs maisons; au moyen de quoy fut baillé rondelles et hallebardes ausd, archers qui y feurent lors envoyez, où il feurent si à propos que l'on n'avoyt encores rompu que quel­ques fenestres et verrières d'en hault cassées, sans qu'il y eust aulcune fraction de meubles de boys faicte, mesmes de coffres et armoires à mettre mar­chandises, et que aulcun eust monté ès chambres d'en hault, par ce que aussi le Lieutenant Tanchou y avoit esté et prins deux hommes qui luy feurent recoux entre led. logis et les prisons du Petit Chas­tellet, où il les menoit, et fut poursuivy par le peuple jusques en sa maison à coups de pierres ; tellement que par le moyen desd, dilligences et debvoir nous estimons n'y avoir eu aucune perte, combien que ladicte dame du Marteau d'or envoya dire le seoir avoir perdu deux couppes d'argent, treize cuilliers, une paire de brasseletz et une chesne de perles, val­lant environ soixante escuz.
"Et le lendemain du matin, revenans lesd, sieurs Prevost et Eschevins de la ronde qu'ilz avoient faicte toute la nuict, environ cinq heures du malin, lad. dame du Marteau d'or leur dist qui luy avoict esté desrobbé plus de six mil livres, chose fort esloignée de verité, et ne se trouverra poinct qu'elle ayt faict telle perte soubz correction, actendu mesmes sa de­claration premiere et peu de moyen que l'on sçavoyt bien qu'elle a, depuis trois ou quatre ans ença.
"Le mesme jour de dimanche, fut aussi rapporté aud. Hostel de Ville que le peuple, qui estoit devant le Sepulchre, voulloit tendre les chesnes, et d'aultre costé que l'on pilloytune maison près Petit Pont, où est demourant Thibauld de Cressé. Au moyen de quoy, à l'instant feurent envoyez en lad. maison par lesd, sieurs Prevost et Eschevins les bourgeois d'une dizaine qui empescheront led. pillage et demeu­rèrent pour ce faire en garnison toute la nuict en lad. maison, estans si peu d'archers que l'on avoyt peu rassembler, sur ledict Pont Nostre Dame. Et pour le regard de la rue Sainct Denys, par le moyen du bon ordre qui y fut donné et des mandemens qui y feurent envoyez, tant aux Quartiniers que bour-
■-' "faire» manque dans B.
W La rue des Prêcheurs, qui portait déjà ce nom en 1252, est quelquefois nommée du Prêcheur. Elle commençait rue Saint-Denis et finissait rue des PUiers-Potiers-d'Etain, dont un côté se confondait avec le carreau des Halles. Réduite dans sa longueur par l'agrandissement des Halles, elle se termine actuellement à la rue Pierre-Lescot.